人民作主教育基金會

  補正公投法 ♦ 修正選罷法 ♦ 修訂憲法

運動歌曲選輯

一、《我愛臺灣》

詞/林義雄、 曲/林奐均
我愛臺灣,我愛臺灣,我愛臺灣,我愛臺灣;
我愛臺灣,我愛臺灣,我愛臺灣,我愛臺灣。

二、《最後的徛家》

詞/馬偕 、 曲/何嘉駒
1.
我全心所疼惜的臺灣啊!我的青春攏總獻予妳;
我全心所疼惜的臺灣啊!我一生的歡喜攏佇遮。
我佇雲霧中看見山嶺,對雲中隙空,觀望全地;
波瀾大海,遙遠的對岸;我意愛佇遮,眺望無息 (煞,音suah)。
(註:1.隙空,音khiah-khang,空隙。2.波瀾,音pho-lân,大的波浪)
2.
我心袂當割離的臺灣啊!我的人生攏總獻予妳;
我心袂當割離的臺灣啊!我一世的快樂攏佇遮。
向望我人生的煞尾站,佇大湧拍岸的響聲中,
佇竹林搖動的蔭影內,揣著我一生最後徛家。

三、臺灣翠青(臺語版)

詞:鄭兒玉 曲:蕭泰然

太平洋西南海邊,美麗島臺灣翠青。
早前受外邦統治,獨立今咧出頭天。

共和國憲法的基礎,四族群平等相協助。
人類文化,世界和平;國民向前,貢獻才能。
註1,今: tann,現在。 2. 咧: teh,在。

四、《咱臺灣》

詞曲/蔡培火  1929作
1.
臺灣 臺灣 咱臺灣 海真闊山真懸 大船小船的路關
遠來人客講妳媠  日月潭  阿里山
草木不時青跳跳 白翎鷥過水田 水牛尻脊烏鶖叫
太平洋上 和平村 海真闊山真懸
2.
美麗島是寶庫 金銀大樹滿山湖 挽茶囡仔唱山歌
双冬稻仔割袂了 果子魚生較濟塗 當時明朝鄭國姓
愛救國 建帝都 開墾經營大計謀
上天特別相看顧 美麗島 是寶庫
3.
高砂島 天真清 西近福建省 九州東北爿
山內兄弟上細漢 燭仔火 換電燈 逐家心肝著和平
石頭抾倚來相楗 東洋瑞士穩當成
雲極白 山極明 高砂島 天真清

五、咱欲出頭天

咱欲出頭天, 咱欲出頭天,有一日欲出頭天。
臺灣同胞,趕緊起來。
我心相信,決無懷疑,有一日欲出頭天。
出頭天,出頭天,出頭天。

咱欲出頭天,咱欲出頭天,有一日欲出頭天。
臺灣人民,團結起來。
我心相信,決無懷疑,有一日欲出頭天。
出頭天,出頭天,出頭天 。
(註:欲:beh, 想要。)

六、《伊是咱的寶貝》

詞曲/陳明章

一蕊花生落地,爸爸媽媽疼上濟,
風若吹,愛蓋被,毋通予伊墜落烏暗地。
未開的花,需要你我的關心,予伊一片生長的土地。
手牽手,心連心,咱徛做伙,伊是咱的寶貝。

七、福爾摩莎頌

(詞:鄭智仁、鄭瑞堂 曲:鄭智仁)

福爾摩莎咱的夢,咱的愛,親像阿母叫阮的名;
搖呀搖呀搖,惜呀惜,永遠抱著美的夢。
福爾摩莎咱的夢,咱的愛,有咱祖先流過的汗;
搖呀搖呀搖,惜呀惜,永遠抱著美的夢。
福爾摩莎咱的夢,咱的愛,無悔無怨來期待;
搖呀搖呀搖,惜呀惜,永遠
抱著美的夢。

八、海洋的國家(臺語版)

(詞:林永生 曲:王明哲)

鮮紅是熱情、單純土直,臺灣人的心肝,
臺灣人仝心肝,仝款運命,飄撇囝孫、飄撇囝孫,代代永遠咧生湠。

翠綠是寶島、美麗山河,落土逐項攏會活,
蓬萊米、玉蘭花,舉頭看覓,懸大開闊、懸大開闊,透天透天的玉山。

純白是自由、民主光明,無限的地平線,
有尊嚴、踦挺挺臺灣的囝孫,充滿喜樂、充滿喜樂,咱是海洋的國家。

九、勇敢的臺灣人 (臺語版)

(詞、曲:官不為)

臺灣島嶼,原本美麗,受外邦統治了數百年,
雖然英雄代代輩出,可惜攏半途來犧牲。
坎坷路途閣風雨,民主運動,日日大進步。
咱著拍拚,千萬毋通餒志,排除萬難,前途無限,團結就有向望。
咱著拍拚,無論任何阻擋,排除萬難, 扶持相牽,咱攏是臺灣人。
臺灣島嶼,原本美麗,受外邦統治了數百年,
雖然英雄代代輩出,可惜攏半途來犧牲。
坎坷路途閣風雨,獨立運動,日日大進步。
咱著拍拚,千萬毋通餒志,排除萬難,前途無限,團結就有向望。
咱著拍拚,無論任何阻擋,排除萬難,扶持相牽,勇敢的臺灣人。
排除萬難,扶持相牽,建設咱的新臺灣。

十、毋通嫌臺灣

(詞:林央敏 曲:蕭泰然)

咱若疼祖先,請你毋通嫌臺灣(重覆)。
土地雖然有較狹,阿爸的汗、阿母的血,沃落鄉土滿四界。(狹,e̍h/ue̍h)
咱若疼囝孫,請你毋通嫌臺灣(重覆)。
也有田園也有山,果子的甜、五穀的芳,予咱後代食袂空。
咱若疼故鄉,請你毋通嫌臺灣(重覆)。
雖然討趁無輕鬆,認真拍拚,前途有望,咱的幸福袂輸人。

十一、阿爸的風吹

(詞曲: 鄭智仁)

阮阿爸教阮來做風吹,伊講你敢知,咱人生親像風吹按呢飛。
飛啊飛,風愈大愈懸,有時會飛入濛霧中,
飛啊飛,風愈大愈懸,有時會予風來騙毋知。
阮阿爸教阮去放風吹,伊講有一工,你若會親像風吹按呢飛。
飛啊飛,風愈大愈懸,看著的物就愈袂清,
飛啊飛,風愈大愈懸,毋通袂記線的起頭彼雙手。
風吹啊飛,風吹啊飛,飛過阮細漢一直有的夢,
風吹啊飛,風吹啊飛,飛過阮懵懂的夢。

十二、菅芒花

(詞:許丙丁 曲:鄧雨賢)

菅芒花白無香,冷風來搖動,無虛華無美夢,啥人相疼痛。
世間人錦上添花,無人來探望,只有月娘清白光明,照阮的迷夢。

菅芒花白無味,生來毋著時,無玉葉無金枝,啥人會佮意。
世間事鏡花水影,花紅有了時,只有風姨溫柔搖擺,顧阮的腰枝。

菅芒花白無文,出世在寒門,無美貌無青春,啥人來溫存。
世間情一場幻夢,船過水無痕,多情金姑來來去去,伴阮過黃昏。

十三、阮若拍開心內的門

(詞:王昶雄 曲:呂泉生)

阮若拍開心內的門,就會看見五彩的春光,
雖然春天無久長,總會暫時消阮滿腹心酸。
春光春光今何在?望你永遠在阮心內。
阮若拍開心內的門, 就會看見五彩的春光。

阮若拍開心內的窗, 就會看見心愛彼個人,
雖然人去樓也空, 總會暫時予阮心頭輕鬆。
所愛的人今何在? 望你永遠在阮心內。
阮若拍開心內的窗, 就會看見心愛彼個人。

阮若拍開心內的門, 就會看見故鄉的田園,
雖然路頭千里遠,總會暫時予阮思念想欲返。
故鄉故鄉今何在?望你永遠在阮心內,
阮若拍開心內的門, 就會看見故鄉的田園。

阮若拍開心內的窗, 就會看見青春的美夢,
雖然前途無希望,總會暫時消阮滿腹怨嘆。
青春美夢今何在? 望你永遠在阮心內。
阮若拍開心內的窗, 就會看見青春的美夢。

十四、補破網

(詞:李臨秋 曲:王雲峰)

見到網、目眶紅,破甲遮大空,想欲補,無半項,啥人知阮苦痛。
今日若將這來放,是永遠無希望,為著前途鑽活縫,揣家私補破網。
手偎網,頭就重,悽慘阮一人,意中人走佗藏,哪無來鬥相幫。
姑不而將罔振動,舉網針接西東,天河用線做橋板,全精神補破網。

十五、青春嶺

(詞:陳達儒 曲:蘇桐)

雙人行到青春嶺,鳥隻唸歌送人行,
溪水清清照人影,天然合奏音樂聲。
啊…青春嶺,青春嶺頂自由行。

嶺頂春花紅白蕊,歡喜春天放心開,
蝴蝶賞花成雙對,花腳自由亂亂飛。
啊啊啊啊啊,青春嶺,青春嶺頂自由行。

春風微微吹嶺頂,四邊無雲天晴晴,
青春歡喜青春境,春色加添咱愛情。
啊啊啊啊啊,青春嶺,青春嶺頂自由行。

十六、月夜愁

月色照在三線路,風吹微微,等待的人,哪未來,
心內真可疑 想袂出,彼个人,啊啊……怨嘆月暝。
敢是註定無緣份,所愛的伊,因何共阮,放袂記,
夢中來相見 斷腸詩,唱袂止,啊啊……憂愁月暝。
更深無伴獨相思,秋蟬哀啼,月光所照 的樹影,
加添阮傷悲 心頭酸,目屎滴,啊啊……無聊月暝。

十七、島嶼天光

作詞:楊大正/作曲:楊大正/編曲:滅火器、阿雞老師

親愛的媽媽 請你毋通煩惱我
原諒我 行袂開跤 我欲去對抗袂當原諒的人
歹勢啦 愛人啊 袂當陪你去看電影
原諒我 行袂開跤 我欲去對抗欺負咱的人

天色漸漸光 遮有一陣人
為了守護咱的夢 成做更加勇敢的人
天色漸漸光 已經不再驚惶
現在就是彼一工 換阮做守護恁的人(恁,臺音lín)
已經袂記哩 是第幾工 請毋通煩惱我
因為阮知影 無行過寒冬 袂有花開的彼一工

天色漸漸光 天色漸漸光
已經是更加勇敢的人

天色漸漸光 咱就大聲來唱著歌
一直到希望的光線 照著島嶼每一個人
天色漸漸光 咱就大聲來唱著歌
日頭一爬上山 就會使轉去啦    

天色漸漸光 咱就大聲來唱著歌
一直到希望的光線 照著島嶼每一個人 (嶼,臺音sū。)
天色漸漸光 咱就大聲來唱著歌
日頭一爬上山 就會使轉去啦

現在是彼一工 勇敢的台灣人